高海寧戶口曾剩兩位數靠母接濟 拒「濫性感」認真演戲踏上主角路

高海寧（高Ling）2008年參選港姐，翌年簽約無綫入行，12年嚟睇嚟順風順水，但其實高Ling捱過一段低收入嘅日子，更曾患上抑鬱症。

高海寧拍當初意外被塑造出一個以身材博見報嘅形象，令佢高Ling患上抑鬱症，更一直匿喺房內唔願見人，暴食令體重急升30磅。當時佢連媽媽都唔想見，怕媽媽見到佢開心會更加唔開心。最終，高Ling到健身中心做運動減肥時，被桑拿房內一班太太點醒，先成功走出陰霾。

{{hket:inline-image name="80024434_1117344385324044_5090854049985634561_n.jpg"}}{{/hket:inline-image}}

（高海寧IG）

初入行，高Ling多次想過放棄，退出重返校園，又曾介意要常在工作中騷身材，直至演出李添勝（添哥）監製的《天梯》才有機會認真演戲，更憑呢套劇首次提名「飛躍進步女藝員獎」。而《不懂撒嬌的女人》就係高Ling演藝生涯中另一部轉捩點，高Ling得到戲中主角林文龍「加持」開竅。高Ling指，林文龍係第一個教佢點演戲嘅演員，係佢嘅恩師。

《婚姻合伙人》高Ling終於踏上女一之位，高Ling認為係佢努力一步步走出來嘅成果，佢承認自己比較好彩，但亦付出咗唔少，所以每次只要有少少進步，有人睇得出佢嘅進步讚佢佢已經好開心。

{{hket:inline-image name="a78d42982e21885bbfef12405ba5b52bsaasftp20200221.jpg"}}{{/hket:inline-image}}

林文龍與高海寧（東星娛樂）

高海寧於13歲時從南京來港生活，曾住在旺角女人街一座大廈嘅天台屋，同兩位分別相差7年及10年嘅弟弟住同一間房。高Ling指當時從來唔覺得地方淺窄，反而大家可以更親密。

入行初期高Ling收入有限試過去飲做人情，800蚊都拎唔出，戶口只有600蚊。佢將僅剩的600蚊拎去飲宴，剩返幾十蚊都撳唔出，要靠媽媽過齊頭一百畀佢先拎到出嚟。

{{hket:inline-image name="Samantha_4_1024.jpg"}}{{/hket:inline-image}}

高海寧一家（高海寧IG）

2010年起，高Ling收入開始穩定，之後更成功置業收租做包租婆。高Ling捱過低潮期都冇忘記父母養育之恩：「收入較穩定後，開始畀父母五位數字家用，隨收入增加都會畀更多家用。」

作為大家姐佢都好照顧兩位弟弟只要佢哋有任何支出要幫手，高Ling都好捨得使，非常顧家。

撰文：黃蘊姿